Menaxhimi i Shikimit parandalon problemet e shikimit, bën korrigjimin optik afatgjatë, kufizon rritjen e numrit në të ardhmen, siguron përshtatjen me recetën dhe syzet e kompletuara (skelet + lente optike).
Identifikohet korrigjimi i nevojshëm optik dhe pjesa tjetër e lodhjes muskolare e cila nuk duhet përfshirë në recetë. Bëhet vlerësimi i pikave të forta dhe kufizimeve të shikimit të personit. Konstatohet aftësia për të ndërvepruar me mjedisin dhe mënyra si përdoret shikimi në jetën e përditshme.
Analiza e strukturës së palëvizshme të syrit. Harta anatomike e sipërfaqes së kornesë (topografi), harta e kalimit të imazhit (wavefront), grafiku i trashësisë së kornesë (pakimetri). Këto analiza japin informacione shumë të rëndësishme për përcaktimin e korrigjimit optik. Matjet e bëra në vite janë të rëndësishme në një moment të dyte edhe për spitalet ose klinikat spitalore të specializuara në kirurgjinë refraktive dhe në patologjitë e ndryshme të syrit.
Analiza e lëvizjeve muskolare që mundësojnë kalimin e fokusimit në secilin sy nga një distancë në tjetrën dhe koordinimin e dy syve në drejtime të ndryshme gjatë shikimit afër dhe larg. Shikohet kapaciteti në kushte të ndryshme pune, rezistenca dhe shpejtësia e reagimit.
Vlerësimi i perceptimit binokular që mundëson integrimin e informacioneve të dy syve në një imazh të vetëm. Konstatohet stabiliteti i shikimit binokular dhe harmonia mes tre sistemeve që mundësojnë përshtatjen me ndriçimin, fokusimin dhe orientimin në hapësirë.
Përpara se të porositen syzet vlerësohen ndryshimet qe do ketë shikimi me korrigjimin e ri në krahasim me pamjen me syzet e vjetra apo me shikimin pa syze. Procedurat për të menaxhuar reagimin e syrit janë të ndryshme tek korrigjimi i hipermetropisë, miopisë, astigmatizmit apo kombinimet mes tyre.
Zgjedhja e skeletit dhe lenteve optike bëhet me asistencën teknike të stafit. Sigurohemi paraprakisht që të përmbushen parametrat e skeletit, karakteristikat dhe filtrat mbrojtës të lenteve sikurse janë përcaktuar gjate vizites. Më pas bëhet:
Korrigjim Funksional: Në çdo fazë të punës kemi parasysh kushtet e përdorimit të syzes dhe kërkesat personale ndaj shikimit me syzen e re. E njëjta recetë standarte për larg ose afër mund të konvertohet në një korrrigjim më specifik pasi vlerësohet ambjenti (distancat, pozicionet ergonomike, ndriçimi), kohëzgjatja dhe intensiteti i punës.
