Përgjigja është jo . Nuk është e dëmshme e gjithë drita blu dhe nuk duhet bllokuar totalisht nga syzet optike. Rreziku kryesor për strukturat delikate që ka retina vjen nga drita blu-vjollcë me në gjatësi të valës midis 380 dhe 420 nm, pasi është më e pasur në energji.

Nga ana tjetër, drita blu rreth 450-460 nm është shumë e rëndësishme sepse na lejon të dallojmë mirë ngjyrat dhe të sinkronizojmë ritmin tonë gjumë-zgjim me atë të ditës dhe natës. Drita blu me energji të ulët e dritës së diellit na bën të ndihemi zgjuar dhe aktivë gjatë gjithë ditës; mungesa e saj na stimulon të pushojmë në orët e mbrëmjes.

Organizmi është më i mbrojtur nëse përdoret një filtër specifik që ndërhyn vetëm tek pjesa e dëmshme e dritës dhe lejon të kalojë atë pjesë të dobishme që ndikon pozitivisht tek metabolizmi ynë. Mund të na kontaktoni për të parë konkretisht lentet specifike për këtë rast. Ky filtër mbrotje LUTINA mund të përdoret edhe tek astigmatizmi (cilindri i syrit), hipermetropia, miopia dhe presbiopia.

Lentet me kontakt me numer dhe me ngjyre po prodhohen me materiale që përmirësojnë gjithmonë e më shumë kalimin e oksigjenit. Po rritet ndjeshëm përbërja e ujit dhe toleranca ndaj pjesës që është në kontakt me syrin dhe kjo mund të ndikojë tek cmimi. Ka lente ditore, javore, mujore te cilat kanë nevojë për solucion per lente. (ndryshojnë nga lente kontakti te përhershme).

Sidoqoftë, fakti që janë shumë komode (përshtaten tek kornea ) shpesh bën që përdoruesit të neglizhojnë vizitat specifike për lente kontakti. Ka shumë probleme që në fazën fillestare nuk japin bezdi apo simptoma dhe nëse nuk merren masat në kohë, mund të detyrojnë ndërprerjen e mbajtjes së lenteve me kontakt. Ka disa raste që abuzimi me lentet me kontakt mund të pengojë bërjen e kirurgjisë refraktive (nderhyrje me laser).

Numrat që janë shkruar në recetë tregojnë çfarë fuqie (dioptri) duhet të kenë lentet optike që do të vendosen tek syzet. Pra numrat nuk tregojnë kapacitetin e syrit por ndihmën që ka nevojë për të parë qartë. Shikimi mund të ketë probleme me strukturat fikse, të palëvizshme si përmasa e syrit (më e madhe apo e vogël) apo forma e kornesë (sferike apo cilindrike). Kjo verifikohet me aparatura statike por më pas duhet vlerësuar edhe shikimi dinamik. Verifikohen lëvizjet muskulore dhe integrimi i përshtatjeve që bëhen në mënyrë automatike: fokusimi, koordinimi binokular dhe përshtatja me dritën. Ka shumë raste që problemi lidhet me këto procese dhe jo me përdorimin e syzes. Në bazë të rezultatit dhe kërkesave të personit (femije, i rritur) mund të jepen disa modele syzesh optike, syze dielli me numer apo lente per syte me kontakt.

Duhet të jemi të kujdesshëm të theksojmë që pa kuptuar se si është përcaktuar numuri i syzes në fjalë dhe historikun e përdorimit, nuk mund të dimë a ka mundësi përmirësimi.

Kjo varet nga faktorë fizikë. Në rastin e miopisë syri është pak më i zgjatur. Rritja trupore ndikon tek përmasa e syrit dhe gjatë moshës së zhvillimit (10-17 vjeç) konstatohet një rritje e syrit dhe si rrjedhim e miopisë. Në rastin e hipermetropisë ndodh e kundërta: numri vjen duke u ulur me rritjen e përmasës së syrit.

Por ka edhe faktorë që lidhen me lodhjen e muskujve dhe vështirësitë e shikimit nga mbingarkesa. Nëse tek korrigjimi i mëparshëm nuk ishte bërë ndarja e numrit nga lodhja dhe gjithçka ishte përfshirë tek syzja, disa teste shtesë janë të dobishëm. Identifikimi i problemeve të përqendrimit të muskujve dhe pasojës që ata japin, në shumë raste jep rezultat. Tek syzet ulet ajo pjesë e numrit që lidhet me lodhjen dhe merren masa që kjo të zgjidhet duke punuar me muskujt.